政情：被食署斷米路 民陣上訴

七一遊行設街站不獲批

食物及衞生局轄下嘅食物環境衞生署早前話，有「其他政府部門」認為，銅鑼灣怡和街對出行人路係遊行路線較為狹窄嘅路段，如果擺設臨時街站，會對遊行人士及其他道路使用者造成「嚴重阻礙」，所以唔批臨時小販牌照。雖然食環署冇講到明，但其實係講緊警方。

食衞局局長高永文擺明斷人財路，民陣梗係唔忿氣。佢哋帶同去年七一遊行同樣地點嘅相片去遞交上訴書。民陣召集人陳倩瑩話，往年佢哋喺同一地點擺街站，都冇造成阻塞，去年只係因為人多而遊行路線少，先搞到塞車。佢認為今次係警方借食環署作政治打壓喎！