政情：有相為證：肥仔明返立會 勸轉軚撐政改？

政改民意關注組成員、立法會前議員李華明（肥仔明）前日早上八點幾鐘就喺立法會餐廳出現，大家都知佢冇做議員後開咗間公關顧問公司，不難令人聯想佢係去游說泛民主派議員轉軚支持政改方案，惹來政改拉票疑雲。期間我哋仲見佢同金融服務界議員張華峰（肥老闆）傾偈，原來肥老闆只係恭喜佢尋日「登陸」六十歲。肥仔明話，尋日同太太及女兒一齊去澳門慶祝生日，到一間米芝蓮三星餐廳大歎美食。至於佢到訪立法會，只係就公司事務同黨友開會啫，所以同政改無關喎！