政情：公民講場：泛民逆民意 因住冇艇搭

政改方案公布後，朝住二○一七年全港五百萬選民「一人一票」普選行政長官嘅目標，邁出重要一步。今次政府宣傳口號係「一定要得」，所以不容有失，但面對泛民主派立法會議員多次聯署企硬反對，特首梁振英尋日就話，唔知「蘇州過後」「何年何月」先再有下一班船，意思係叫泛民小心否決今次政改方案後會「冇艇搭」。不過，似乎泛民係有艇都唔想搭，寧願逆民意原地踏步，因住喺未來兩場大選舉被市民唾棄。