政情：有相為證：鄺葆賢自稱「姨姨」 工作迎三字頭

青年新政九龍城區議員鄺葆賢尋日三十歲生日，正式告別二字頭，步入輕熟女階段。女姓通常唔喜歡其他人提自己年紀，但鄺葆賢似乎毫不忌諱，更加喺Facebook上自稱為「葆姨姨」。本身係急症室醫生嘅鄺葆賢，連生日都要返醫院值班，好在同事好人，肯幫忙調假。而作為區議員嘅鄺葆賢生日仍不忘工作，佢話冇特別安排慶祝活動，只係喺辦事處同大約五十個街坊一齊學包糉，夜晚就同家人食飯，佢話呢份係今年最好嘅生日禮物。