政情：美電腦大亨：科學家要識政治

香港總商會日前搞咗場講座，請到前美國太陽電腦（Sun Microsystems）共同創辦人之一的Scott McNealy任演講嘉賓，有份出席講座的立法會資訊科技界議員莫乃光在社交網站引述，Scott在史丹福大學的長子「主修高爾夫球」，又話讀書方面佢教個仔要讀啲有用嘅課程，好似工程，最好就係讀data science（數據科學），但學校冇呢個科目，所以就叫佢揀電腦、數學、統計、政治、心理學等。莫乃光聽到後，好奇問Scott點解數據科學家要讀政治，Scott就解釋話，因為識得政治先至唔會被政府恰喎！