政情：有相為證：反違法抗爭 根叔被指靠嚇

大埔區議員黃容根（根叔）自前年卸任漁農界立法會議員後，市民可能少咗見佢公開鬧爆泛民主派，但其實根叔依然好猛火氣，繼續透過地區渠道「教育」市民。有人近日發現根叔在所屬選區掛咗一條好似恐嚇信咁嘅宣傳橫額，除咗以黑底紅、白大字標題「違法抗爭」外，仲模仿恐嚇信或勒索信咁用報紙、雜誌剪紙拼貼出「留有案底，前途盡毀」八個大字，似乎想靠嚇反違法抗爭咁喎。雖然根叔冇講明「違法抗爭」係咪指「佔領中環」行動，但「抗爭」嘅定義涵蓋範圍甚廣，做法比起其他建制派齋反佔中有深度得多。