政情：周松崗：佔中恐塞車到新界

離開總商會 避談高鐵風波

周松崗認為，佔中唔符合香港利益，就算行使權利時，都要尊重其他人嘅權利，唔好「自己害自己」。佢又話，佔中會搞到交通擠塞，隨時塞到上環、灣仔甚至新界喎，醫生、銀行、證券行交收受影響，連茶餐廳開唔到都講埋。佢仲透露，企業同保險公司對佔中應變討論增強咗，當中涉及點樣用法律方法令到闖入商舖或辦公室嘅人離開。其實高鐵延誤通車都有好大影響，點解佢又唔講呢？

總商會亦關注近日個人遊討論，周松崗話，香港係自由經濟，人太多，酒店、食物太貴咪唔嚟囉，市場識得自行調節，唔應該夾硬用行政手段減人，應該要擴大承受能力，但該會就冇提係咪要檢討一簽多行。