政情：有相為證：財案流會議員 「亮」相馬會

立法會前日開始展開《撥款條例草案》「拉布」戰。原本班議員以為要留守到夜晚十點鐘先至走得，但點知戲劇性地流會，結果下午四點幾就收得工，無啦啦多咗自由時間，唔知班議員會去邊呢？好似金融界議員吳亮星（星爺）就最識歎，當晚七點鐘左右，一支公喺跑馬地馬場會所出現。我哋諗住同佢打個招呼啦，點知佢愈行愈快，一個箭步就閃入去會員席。其實當晚星爺已經唔使趕返立法會開會，但行到咁急唔通約咗好重要嘅人？