政情：智仁不愛智能 謝絕新機

2G手機用足十年

不過，梁主席話平時好少玩呢家新潮玩意，因為佢至今仍鍾情舊式嘅2G手機，佢話傳統手機用法簡單方便，加上平日用電話都只係打出、打入。

聽聞醫管局可以提供智能手機畀梁主席，但佢都唔肯換新機。梁主席話，佢係古老人，都係用番古老嘢，部2G手機由做公開大學校長時用到依家，都有十年喇。既然佢係2G用家，近年難免成為網絡供應商嘅銷售對象，極力游說佢換智能手機或轉新計劃，但佢反而收唔到呢啲宣傳電話，估計係供應商覺得好難做到佢生意，都係慳番啖氣。