Party Life：孫家有囍

十一月旺嫁娶，政商界喜事連連。中港照相器材集團主席孫大倫娶新抱，細仔孫道熙跟拍拖數年的林珊亭拉埋天窗，日前喺會展舉行世紀婚禮，城中富商巨賈、高官及名人雲集。

一對新人應記者要求兩度咀嘴，新郎更發表愛的宣言，大讚太太細心，能包容佢嘅少爺脾氣。

「永遠最美麗港姐」朱玲玲以簡潔黑裙配襯紅色披肩，貫徹優雅風格。	中總永遠榮譽會長霍震寰女兒霍思緯（右）當晚擔任兩個婚宴新娘嘅姊妹，但連趕兩場依然容光煥發。圖左為毛紡大王曹光彪孫女曹穎惠。	海洋公園主席盛智文伉儷一早到場，認真畀面。
行會成員林健鋒伉儷（左二及一）與財政司前司長梁錦松伉儷（右一及二）幾乎同一時間抵達會場，真係約都無咁蹺。	行會成員葉劉淑儀（右）連趕兩場婚宴，去首場婚宴時靚裙爆拉鏈，趕回家換咗圖中晚裝仍不失雍容，左為千金葉榮欣。	商務及經濟發展局前局長馬時亨伉儷，當晚去戥老友孫大倫開心。
大家樂集團主席陳裕光伉儷恭賀一對新人百年好合。