政情：公民講場：助菲插港 肥佬黎做契弟？

內地官方媒體《人民日報》海外版尋日發表文章，直斥菲律賓喺人質事件事發三年後仍然唔道歉係「冷血」，強調菲國總統阿基諾三世要承擔全部責任。文章仲點名炮轟《蘋果日報》在不加求證下，援引錯誤嘅菲律賓傳媒報道猛批特區政府，變相助長菲方聲勢，最終遭到香港輿論反批。其實《蘋果》幫外人又有乜出奇吖，事關壹傳媒肥佬黎向來都係手指拗出唔拗入，以前口口聲聲扮正義話自己唔會做「契弟」，但近日竟然調轉槍頭幫菲律賓嚟攻擊特區政府，莫非佢做咗阿基諾嘅「契弟」？試問肥佬黎點對得住菲律賓人質事件嘅死傷者同家屬？