政情：今日你上鏡：何超鳳當選女童軍總監

香港女童軍尋日舉行會務委員會特別大會，選出新一屆香港總監，最後由何超鳳以壓倒性票數當選，由明年四月廿六日起接替現任總監彭徐美雲嘅職務，任期為期三年。其實何超鳳同女童軍好有淵源，八歲已加入港島第四十二小女童軍隊，及至九○年於美國學成回港後就獲邀擔任女童軍總會籌款小組成員，九五年起仲出任名譽副會長，所以資歷十分豐富。另外，由世界女童軍協會主辦嘅第三十五屆會議將於明年首次在港舉行，可讓女童軍們親身體驗國際性活動，並藉此提升香港嘅世界地位。