退休後嘅霍德返英國定居，但都會不時返香港，除咗出席電盈嘅會議，每逢選舉前或香港就政改討論得熱烘烘，都會咁啱見到佢嘅身影，好難唔令人諗到佢聯同啲香港朋友喺度搞事。
霍德李智康空守十年
八號仔十年前發行購股權畀董事及部分員工，啱啱喺今個星期二到期。李智康及非執董霍德分別有五百萬份及一百萬份購股權，行使價都係每股四個三毫半，只可惜電盈股價在過去十年表現平庸，叻極都只係去到四個二，都係高唔過行使價，等吓等吓就十年，購股權正式玩完。佢哋都已經遞交俗稱「SDI」嘅披露權益申報，喺港交所網站有得睇。除咗李智康及霍德嘅購股權證變晒廢紙，有一批電盈僱員都有相同命運，真係同聲一哭。