政情：公民講場：聶德權燉八人冬菇 原來幫羅智光執手尾

勞工處近日有八名公務員遭免去現時署任職位，其中一個就係舊年曾發起公務員集會嘅新公務員工會主席顏武周，由署任一級助理勞工事務主任，降返原職二級助理勞工事務主任。有消息就話，勞工處係喺四月二十七日召開會議後決定，而國務院喺四月二十二日先任命聶德權為公務員事務局局長，換言之，聶德權上任後五日就要幫公務員事務局前局長羅智光執手尾。其實過去一年唔少公務員涉參與非法集會示威，羅智光都一於懶理同未有強硬表態，唔怪得要將佢撤換喇。