中環出更：盧維思巧遇鍾普洋 雞啄唔斷

一齊等過馬路 邊行邊傾

有一日下晝三點幾，卓妮見到着住西裝、拎住公事包嘅盧維思一支公現身皇后大道中街頭，佢氣定神閒咁往金鐘方向行走，行到中建大廈對開停低，企定定等過馬路。與此同時，一身「上海灘」打扮嘅Po就咁啱喺一間英國連鎖零售店買完嘢出嚟，抽住一大袋嘅戰利品，同盧維思撞個正着。雙方好似久別重逢嘅老友，好熱情咁打招呼，更互相寒暄一番。

佢哋兩個愈傾愈興起，橫掂順路，佢哋索性邊行邊傾，仲講到指手畫腳，七情上面，期間Po打開手上嘅購物紙袋，畀盧維思睇吓自己買咗啲乜。大約同行咗五分鐘之後，Po先至同盧維思分道揚鑣。