2008年京奧期間，大會喺全國招募咗唔少18歲卜卜脆嘅靚女，做禮儀小姐，據講唔少由於樣子出眾，更由此踏上星途，做咗模特兒或明星，部分仲發展唔錯添，其中一位幸運兒就係嚟自哈爾濱嘅孫心婭。
當年仲喺哈爾濱讀緊書嘅孫心婭，由於身材高挑，樣子清秀，被學校推薦做禮儀小姐，而佢更負責過排球比賽嘅頒獎禮儀小姐，大家睇番頒獎片段，就會見到心婭企喺旁邊。做完禮儀小姐之後，心婭心癢癢，決定一邊讀書，一邊投身演藝工作，並喺同年年尾參加「世界旅遊小姐王后大賽」獲得北京賽區冠軍，之後更參加第58屆世界小姐大賽，獲得北京站總決賽季軍，仲有好多小型比賽，都取得唔錯成績，由此令心婭信心大增，畢業後就全力投入模特兒工作。心婭入行後決定以日系美少女造型示人，一頭金髮，配埋化妝，真係夠晒「卡娃依」，出道初期就拍咗唔少時裝硬照，但隨着入行日子漸久，就要想辦法突圍而出。
於是心婭開始走性感路線，一步一步嚟，直至完全豁出去，大約經歷咗一年多時間才「蛻變」成功，最經典就係擔任足球寶貝嗰輯相，係心婭首度「真胸」拍攝。由於心婭上圍只有34吋，所以自信心麻麻，擔心冇睇頭，但攝影師竟將冇托冇墊嘅「真胸」，拍出驚人效果，令心婭一戰成名，自此更與「性感女神」拉上關係。其後心婭工作不斷，除咗拍硬照外，更有遊戲網站找她做代言同活動主持，阿妹能言善道，好快就有製作人搵佢做埋電視節目，近年更拍埋電影，真係紅到發紫。由一個高中生，因為奧運會竟搖身一變成為演藝界紅人，所以話機會永遠都係喺大家身邊！
簡介：孫心婭出道都有頗長時間，但喺佢專屬網站嘅照片只有三、四十輯，原因全部都要經過心婭精挑細選至攞出嚟，難怪咁少啦！
網址：www.moko.cc/miniyifei
出生地：哈爾濱
三圍：34-23-34
身高：170cm
撰文：龍四海