三星Note II LTE充電器短路冒火

「用唔夠15個鐘就出事」

「慣常叉完電，叉電器都會留番喺拖板。咁多年都無事，點諗到個叉電器用咗唔夠十五個鐘就出事！」謝先生憶述上周六下班回家不足一個小時，睡房即傳出「噗」聲巨響，全屋電力隨即中斷，房內更傳出一陣燒焦味道，「叉腳位置冒出陣陣火花，後尾先發現原來叉腳同個插頭唔啱位。」由於他有逾十年從事電器維修經驗，他懷疑短路與充電器生產過程出錯有關。

同日下午，謝帶同充電器及手機到三星服務中心查詢，但職員簡單登記資料及檢查後，便提議更換充電器，令他大感不滿，「如果叉電器生產過程有問題，其他用戶都有可能面對火警嘅風險，但個職員態度好似好平常咁，明顯敷衍緊我！」謝指手機是妻子贈送的聖誕禮物，妻子上周購入兩部同一型號的手機，打算作情侶手機，但事發後已不敢使用。翌日，三星一名經理級人員主動致電向他道歉，並派人上門更換充電器，其後更向他承諾將損毀的充電器交予工程部查明事故原因，並為他免費檢查另一部新手機，確保安全使用。

指屬個別事件 承諾查究

本報曾向三星電子香港了解曾否發生同類事故，但三星電子香港未有透露有關數據。發言人再強調，今次屬個別事件，現階段不會猜測事故原因，公司亦已為有關消費者更換新充電器。

理工大學機械工程系工程師盧覺強指出，手機充滿電或離開充電器後，正常充電器會自動停止運作，相信今次事故是充電器內一個俗稱「開路」的零件失效有關，令充電器長期處於通電狀況，甚至融化內部的絕緣體引發短路。他認同此類事件不常見，相信是人手裝嵌充電器時有瑕疵引致，相信純屬個別事件。