政情：夏佳理重返法律老本行

Ron向來好勤力做嘢，從來唔會考慮退休。佢仍然係西九文化局董事局成員之一，佢話西九進展得好順利，不過對新政府係一個挑戰。佢大讚政務司司長林鄭月娥對文化區嘅發展方向掌握得好清晰，事關對方做發展局局長嘅時候，對成個計劃已經好了解，所以一上任司長，好快就上手。Ron坦言，西九文化區嘅用地已經批咗，錢又批埋，立法會亦都通過咗，特首梁振英做行會召集人時已經好支持計劃，佢深信特首將來都會繼續支持喎。