捲入「劏房風波」嘅發展局局長陳茂波（Paul），尋日再度為事件解畫，佢話當年買入大角咀物業時係連同租約，內有分租住客，但當年分租單位並非依家所謂嘅劏房，反而多為板間房，住客係共用廁所、廚房，換句話依家嘅劏房係有獨立嘅設施。阿Paul仲話，近十多日佢睡得不安寧，為事件思前想後，莫非佢就係想出板間房同劏房嘅分別？不過，板間房都唔係無規限話間就間，要符合相關法例至得。
