- on.cc 東方互動主頁
- 4月8日 (二)
民主黨立法會議員甘乃威求愛不遂而怒炒女助理風波嘅主角王麗珠，最近低調重返政圈，負責幫參選立法會會計界嘅林智遠（Nelson）助選，算係有一番新發展。Nelson大爆王麗珠原來「喜上加喜」，原來佢前日平安生咗個女，唔知競選團隊有喜事，會否帶旺Nelson嘅選情呢？
Nelson尋日喺社交網站爆料，話王麗珠平安生咗個女，又首次透露王麗珠嘅另一半姓陸，誠心祝願陸小妹妹幸福快樂成長。據聞王麗珠對懷孕一事保持低調，佢為免Nelson擔心，更一直冇講明幾時係預產期，就算前日「作動」要入醫院前，佢都仲幫緊Nelson打點競選事宜，真係夠晒專業。
Nelson接受查詢時話，佢知道王麗珠生咗後，已經送咗BB衫褲畀佢，又會日內有時間去探望。不過，據聞曾經做過傳媒人嘅王麗珠都好着緊Nelson嘅選情，想身體好啲就返團隊助選，但Nelson已經向同事下達指令，如果見到王麗珠嘅話，就即刻幫佢截的士返屋企休息，希望佢可以專心「坐月」喎。會計界候選人仲有梁繼昌、陳普芬及黃宏泰。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
