上星期因為坐意外頻生嘅西鐵搞到返唔切立法會、跟住仲被譏為「西鐵男」嘅工聯會立法會議員王國興尋日話，為咗應付尋日開始嘅「拉布」戰，前晚強迫自己食安眠藥早啲瞓，尋日朝五點起身出門，又搵定相熟的士司機，確保西鐵又出事就轉搭的士。
為免突然人有三急要離開會議廳，佢連水都飲少啲，話費事要成日去廁所喎。就算去廁所都趕得切喺響鐘時間內入會議廳投票喇，王議員使乜咁誇張呀？
