笑看天下：歷史沒有如果

如今，新界村屋僭建情況普遍，「港英政府嗰時都特赦啦」，喂，港英政府嗰時特赦，唔等於特區政府都要特赦，回歸十五年，還回頭望，還停留在嗰陣時，未免不合時宜。內地有首叫《理想國》的歌，歌詞云：「歷史沒有如果，只有看我將怎樣做，看這錦繡山河，給我已經很多，讓我全心全意，把這土地建成理想國。」新界的「理想國」，也應是「沒有如果」；好多觀念，港英政府嗰陣時未必啱，難道就一路讓他錯下去！以前農村啲嬰兒，婆婆爺爺周不時用自己嘅口嚼碎啲食物，然後直接咁餵個孫，如果如今仲係咁唔衞生，你睇吓做媳婦嘅會唔會同佢哋死過？

香港既是「法治」社會，每個公民都唔應該被雷語嚇倒！「王子犯法與庶民同罪」才是硬道理！法才可以服人，否則就會淪為《第三帝國社會史》說的現象：納粹出版商曾向取消報紙訂閱的德國讀者寄送這樣的通知：我們的報紙當然值得每個德國人支持。我們將繼續向你發送報紙，並希望你不會由於撤銷訂閱而使自己面臨不幸的後果。「醫院死人是正常的」，新界僭建普遍，自然也是「正常的」！