選委百態顯炎涼

部分選委態度則較強硬，如政協劉遵義就直言「投咩票唔關你事！」地產及建造界郭炳江就指投票意向是「私隱」。

而立法會界別的鄉議局主席「發叔」劉皇發的回應亦十分有趣，稱「投畀贏嗰個」。難道發叔有水晶球，可以未投先知？

鄭家純（政協） 「邊個贏咗我都會站台（支持梁振英），唔介意人哋點睇，市民應向前望，應該支持新任特首。」	李嘉誠（地產及建造） 「我投唐英年，我愛香港，愛自己國家，邊個做特首都唔會撤資。」他旋即發表聲明，恭賀梁振英當選，又說香港政府會繼續一國兩制，維持高度自治，有自由，有法治及穩定繁榮。	呂志和（酒店） 「投票畀我提名嗰個（即唐英年）。冇咩擔心，香港繁榮就得，邊個都有能力，你哋都有能力架。唔擔心香港樓市冧，福地、福地，香港福地嚟架。」
何柱國（政協） 「我好硬頸嘅，總之我點都唔會驚梁振英，我係驚嘅人死晒喇，唔理邊個上場，星島日報永遠支持政府施政，有裂痕咪買super glue（超能膠）。」	侯志強（鄉議局） 「我投五號！」、「我跟發叔一樣，發叔支持邊個我就投邊個。自由投票都要睇大佬點睇架。」	劉鑾鴻（批發及零售界） 「邊個當選都係為香港做好事，唔需要擔心（梁振英）當選對商界唔友善，唔擔心（梁振英）同商界合作會有任何問題。」
呂耀東（政協） 「香港各界人士紛爭太耐，想要結果。兩個都係好人選，無論邊個當選都尊重結果，唔會撤資，香港咁好。」	詹培忠（立法會議員） 「我投唐英年，我答應咗佢，我重承諾。（會與梁振英合作？）我個人好硬頸，未必同好多人合作到。」	李兆基（地產及建造界） （被問到投哪位候選人時回應）「我唔記得。」
劉皇發（立法會議員） 「我投贏嗰個。」但他提名給唐英年。	黃楚標（政協） 「唔講投畀邊個，投良心一票喇！我會按自己嘅意願投票。」	梁志堅（地產及建造） 「投畀邊個？要上去（投票現場）同朋友傾吓先。」
李家仁（醫學界） 「我一直堅持（支持梁振英），完全冇改到，已經作咗新歌。」	蒙德揚（批發及零售） 「我投票畀CY（梁振英），係我叫佢參選架嘛！」	林建岳（演藝小組） 「係咪堅決投畀唐英年？我投畀贏嗰個。」
范徐麗泰（人大） 「呢一票唔容易投，好艱難先投到。世界上冇永遠嘅敵人，亦冇永遠嘅朋友，融唔融合得番就要睇將來嘅政府點樣做事……市民有向上游嘅機會，中產逆轉向下游嘅趨勢，就算有咩都煙消雲散。」她更與在	胡應湘（政協） 「唔講喇，講咗畀老婆鬧。八萬五唔關梁振英事，係彭定康個年代。」	郭炳江（地產及建造） 「唔講投邊個，私隱嚟架。」
劉遵義（政協） 「投咩票唔關你事，唔使同市民交代，話明secret ballot（投票保密）。」	放大圖片

投票給誰 李兆基：唔記得

投票中心昨日早上九時開始進行投票，大地產商的投票取向受到外界關注。地產及建造界選委李嘉誠堅持「撐唐」，又重申不會撤資香港。但是，同一界別的李兆基則以「唔記得」而不交代投票給誰，被問到會否怕梁振英「上場」會拖垮本港樓市，他就「哈、哈、哈、哈」乾笑四聲，頭也不回地離去。

雖然部分選委不肯公開投票意向，但亦有部分忠實支持者不介意公開自己支持何人。如投票給唐英年的立法會議員詹培忠就稱承諾最重要。一直「挺梁」的醫學界選委李家仁投票給梁振英後，更稱已為新特首作了新歌，不知道新歌歌名會否是《小明見特首》。