政情：郭位獲北京理大榮譽博士

開壇講「福島事故反思」

郭校長親自去北京接受博士銜，心情相當興奮，一場來到，仲順便開壇講吓「福島事故的反思」，佢致辭時又不忘拍心口話會繼續立足香港，面向世界喎。其實香港各大專院校都有頒發名譽博士銜頭，頒發嘅理由有好多，相反內地頒嘅博士銜就複雜得多，事關有關學位要經國務院學位委員會批准。

過去獲內地大學名譽博士學位者，非富則貴，包括已故全國政協副主席霍英東、長實主席李嘉誠、電影大亨邵逸夫等，殊不簡單也。