尋日舉行嘅特首選舉委員會界別分組選舉，頭幾個鐘嘅投票率一直低於上屆水平，有候選人批評係因為政府宣傳不足、甚至刻意「冷處理」今屆選舉。政制及內地事務局局長譚志源昨早被問及有關問題時，就話可能因為朝早太凍而少咗人投票。九八年立法會選舉投票日全港落起滂沱大雨，投票率反而創出歷史新高，證明天氣好壞同投票率高低其實並冇必然關係，譚志源唔好再亂噏卸責喇！
