中環出更：楊志雄設宴請好友拆蟹

當晚現身嘅有工業總會主席鍾志平、香港中小型企業商會會長吳宏斌夫婦、萬利玩具主席陳明耀夫婦、德國寶主席陳國民、古珀行珠寶總裁沈運龍及職業訓練局高等及專業教育科主管黃倩瑛等人，彼此間相當老友。早前中華廠商聯合會改選，Johnny冧莊副會長，而吳宏斌就榮升副會長、陳國民及沈運龍都躋身常務會董，大家於是喺聚會飲杯慶祝吓。

秘製薑醋 甘甜無比

楊太精心揀選又靚又肥美嘅大閘蟹宴客，又獻上一道道拿手好菜，排場似足私房菜館。最出色嘅係用鎮江醋、糖及薑末調製嘅薑醋，酸中帶辣，食落口又甘甜無比，同蟹嘅鮮味襯到絕，食到大家讚不絕口。楊太教路，秘訣係落糖要重手，絕不手軟。