政情：今日你上鏡：寶貝女出閣 何厚祥高興「升呢」

齋睇相，見到滿臉笑容嘅何厚祥拖住女兒出場，就體會到呢個爸爸嘅喜悅，而女兒亦幸福滿瀉。何厚祥嘅大仔未結婚，咁即係話細女爬咗大哥頭嘞，但係何厚祥一啲都唔介意，仲話呢啲嘢冇乜緊要嘅，最緊要係大家開心。

見到民政事務局局長劉江華都有嚟觀禮，何厚祥話事前只係簡單咁通知咗佢，估唔到佢抽到時間嚟。其實，何厚祥所屬嘅公民力量，當年劉江華有份牽頭成立嘅，咁多年嘅兄弟，幾忙都要抽時間嚟賀吓喇！

（互聯網）