中環置地廣場個Food Court，下午時段人流唔多，夠晒寧靜，係唔少名人攤抖嘅好去處。尋日下晝四點鐘立法會會議期間，卓妮就見到立法會議員何俊仁（圖右）同議員石禮謙嘅好友葉律師坐喺嗰度歎咖啡，邊飲邊密斟，表情都好嚴肅吓，佢哋大約傾咗十五分鐘後離開。卓妮問鐵頭仁有乜咁好傾，佢只係話傾閒偈，跟住就話要趕返立法會開會喎，金鐘去到中環歎茶，係趕啲o架喇！
