政情：沉冤得雪張文鬆晒

張文光話前年嘅事仲記得好清楚，當時自己明明畀李躍輝嘅助選團包圍，點知對方有人反過來屈佢非禮，真係唔嬲就假，結果佢喺沙田田心警署協助調查咗幾粒鐘，不但助選不成，更加連飯都冇得食，只有差人送畀佢嘅一個新奇士橙。佢話事後收到律政司一封信，講明單非禮案所謂嘅證據，根本係完全無道理嘅指控。有老友仲提議張文反告對方，不過佢話無咁得閒打埋啲無聊官司，所以無做任何行動。

今次李躍輝選舉舞弊罪成入獄，雖然好似同單非禮案無直接關係，不過張文都忍唔住講番兩句，話前年選舉期間，李躍輝確有好多令公眾質疑嘅地方，今次判刑，證明法律係公正嘅。