政情：KK開班教街坊防核

建築、測量及都市規劃界議員劉秀成就認為，日本核危機事件係一個大教訓，暴露核能發電潛在巨大風險，港府唔應該太依重核電，不如諗吓風力或太陽能發電，仲環保安全喎。大地震餘波未了，會否波及香港？劉秀成話，香港唔喺地震帶，照計冇咁易中招，可惜鄰近深圳地震帶範圍，會否受牽連實在好難預料，佢擔心香港建築物普遍冇抗震設計，建議將來起樓時，應該考慮埋呢點。