12吋新隊長Chok樣復仇

復仇者第三炮

從《Iron Man》開始，Hot Toys已是Marvel的最佳合作夥伴之一，在《The Avengers》未上映前，便先後發表了Nick Fury及Hawkeye兩款Figures為電影宣傳，而今次新版Captain America則是第三炮，相信好快輪到Iron Man、Hulk及Thor等英雄登場。跟舊版比較，新作最大分別是追加男主角Chris Evans嘅真人頭雕，並由擅長雕陽剛味角色嘅大師K.A. Kim操刀，予人信心保證。

真人頭雕惡形惡相

就試辦而論，頭雕嘅五官、輪廓、膚色都極為Human-being，軟膠頭髮亦甚具層次感，而且表情再非木口木面，而是咬牙切齒Chok到爆，擺戰鬥甫士時更傳神。廠方表示，原本打算把面相雕得更為兇狠，但電影公司嫌惡得滯才略為收斂，前後經過多次審批才完成，因此延誤了發表時間。新作雖並非DX系列作品，但一樣送齊兩款頭雕，除主角真人Look外，還有面罩Look可選，而且「A」字標誌更改為浮雕設計。

頭盔Look變化唔大，只是A字改為浮雕設計。	軍Boot係軟膠，屈曲時不失彈性。	上身衫混合了多種物料，而星星Logo更與Body連着，減低移位問題。

服飾猶如戲服

隊長套新戰衣由戲中Die Hard粉絲Agent Coulson設計，既保留Old School味道，還更為纖薄貼身。微縮成12吋 Figure後，廠方先把舊素體拉高兼減磅，並混合運動網紋布及彈性布料來製作上身衫，配合兩邊膊頭的銀色軟膠，驟眼睇同戲服冇乜分別。惟始終係試辦，腹部彎曲時，戰衣會出現摺痕，頗為礙眼；另外要注意服飾擁有多層Layers，究竟最後會否爆線或移位，還要等大貨到時才知道。而配件係較失色的一環，只送電鍍同戰損兩個盾牌，雖然後者舊化感一流，但跟敵人駁火的武器一把都冇，反而送外星人激光槍，有點奇怪。

持盾前要先拆手腕，玩法同舊版一樣。	今集隊長冇佩槍，改送戲中嘅外星人激光槍。	送橢圓形地台同8隻替換手掌，想擺咩手勢都得。

售價︰$1,380

送齊電鍍（左）同戰損（右）兩款盾牌。

Body比舊版高瘦，並在手肘加入雙關節，令總關節數量達30個。＊圖中為試辦款式，與正式推出的版本或有若干分別。

預訂價︰$1,330

推出日期︰今年第3季

撰文︰陳志滔

攝影︰謝考祥

查詢電話︰2388 4677