絲絲講場：內地老翻手機山東最多

Galaxy S7 Edge模仿首選

內地有人做統計，全國假機十大排行榜中，老翻三星機嘅佔咗一半席位，Apple假機亦佔兩席。被老翻排名之首嘅係三星Galaxy S7 Edge，其次就係iPhone 7 Plus，就連主打較平價手機嘅小米都一樣上榜。

至於內地最多老翻手機嘅地方係邊度？深圳？No啦，最多竟然係山東臨沂，有27%！之後兩位北京、廣州都只得3%。

問題有幾嚴重？聽講內地有數據中心一年來足足做咗約1,300萬次驗機，驗出假機佔總數1.8%，即係每100部有兩部中！喂仲唔去驗下部機！

余絲韻