絲絲講場：積金局「擺街站」搞邊科？
強積金中介人擺街站吸客平時就聽得多，積金局加入戰團設立「街站」，你又聽過未先？
助打工仔查詢帳戶
不過佢哋今次原來唔係做生意，而係鼓勵打工仔勤力啲Check數！積金局今個月內會喺九龍灣、旺角東、火炭及上環，設立個人帳戶諮詢站。
屆時積金局會協助計劃成員即場查詢，睇吓自己持有幾多個MPF（強積金）個人帳戶，並即時登記及啟動「個人帳戶電子查詢」服務，以便管理強積金投資及整合戶口。
積金局舊年發表報告顯示，強積金制度內有387萬個供款帳戶及536萬個個人帳戶，超過四成人持有兩個或以上嘅個人帳戶。
積金局又提醒各位打工仔，喺轉工嗰時，可選擇一次過將多個個人帳戶整合為一o架。
余絲韻