絲絲講場：永隆司庫傳授炒匯「打狗棒法」

話說永隆私人銀行及永隆私人財富管理早排舉辦投資講座，請咗Terry為啲高端客講吓投資市場展望。Terry話，今年投資者要靈活咁用「打狗棒法」內「纏」字訣嘅「死拉狗尾」，同埋「轉」字訣嘅「幼犬戲球」。「死拉狗尾」意思係，如果喺牛市中發掘到優質嘅投資產品後，可買多啲兼長揸唔放，即係一個字：「纏」。

但若市場波動，大家就要運用到「幼犬戲球」嘅投資策略，即係適當時候可以考慮落車，之後再搵時機上車，又或者投資某啲對沖產品分散風險。一字記之曰，「轉」。

呢兩個口訣，大家好記實喇！

余絲韻