絲絲講場:渣打客戶體驗新科技

絲絲尋日收到渣打(02888)一封邀請信,日期、時間、地點統統欠奉,邀請信嘅正中央得一個8cm×8cm嘅二維BARCODE,又幾盞鬼,搞咗一大輪先知道原來渣打即將要推出一個嶄新嘅銀行服務體驗,等客戶過吓癮。

手機程式處理帳目

佢地安排咗幾位阿head,包括個人銀行業務主管禤惠儀、東北亞區財富管理部區域主管江碧彤,同埋東北亞區有抵押產品區域主管陳占明,向大家介紹一下點樣用最新科技為客戶帶來最佳嘅銀行服務,咁多阿頭同場表現,證明佢哋好重視呢項服務。

其實,絲絲聽聞渣打一直走在科技嘅尖端,又係蘋果公司嘅忠實粉絲,公司上下都用iPhone、iPad溝通。

另外,佢哋網頁仲有一個名為「Breeze」嘅手機應用程式可以免費下載,可以用嚟轉帳、繳付帳單等,隨時隨地都可以處理帳目,真係方便!

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!