按揭市場競爭激烈程度，大家都感受得到。伍愛施（Colet）之前喺中銀香港管按揭時，毋須依靠減按息，市佔率大部分時間都仍然能夠佔據上風。
按揭存款主管對調
今年搶攻新盤時畀其他銀行乘機喺二手市場上位，但係下半年已經收復唔少失地，依家Colet就會調去睇存款。
每個分析員都話中銀香港存款有優勢，但就唔等於毫無競爭，之前睇存款嘅葉慧文，咁多年參與存款保障委員會工作，甚至喺擴展人民幣存款方面都應該花咗唔少心機。
不過今次兩位女將調位，應該不單止業務上，連攻防偏好都唔同，大家都期待配合滬港通，中銀香港個人銀行產品會有咩嘢新搞作。
余絲韻