美樂花園 好住見稱 業主唔捨得賣

美樂花園雖已逾30年高齡，內外比較殘舊，惟附近社區配套齊全，行兩步就到蝴蝶灣公園、海灘及公眾騎術學校，假日去玩樂滿Fun。另外，民生商舖及輕鐵美樂站近在咫尺，日常起居尚算方便。

最旺每月兩三宗成交

屋苑由十座大廈組成，其中三房戶最實用，入門三房戶實用面積近700方呎，全屋無窗台，內籠好用見使，因此長期捧場客不絕。

中原李婉群稱，美樂花園以好住見稱，業主多不捨得搬走，盤源向來少，每月最旺兩、三宗買賣，現時放盤約有三個，三房最平為2座中層F室，實用面積699方呎，望海景，自由市場叫價480萬元，雖然屬新高價，但實用呎價不足7,000元。相若銀碼可揀同樣臨海的海翠花園，三房海景入門盤叫逾500萬元，但面積細近百方呎。