減肥過度跌倒 秦煌坐輪椅出院

72歲藝人秦煌本月1日出席《踩過界II》記者會前，在將軍澳電視城意外跌倒送院，右邊膊頭骨裂。前日他坐輪椅出院，精神不俗，他說：「依家等啲骨生番埋，2星期後覆診。（要休息幾耐？）醫生話要6星期。」有傳他因心臟問題才入院，他澄清：「係減肥減得太緊要，體力唔係咁好，7月入過醫院減肥，減得太勁，行路有啲頂唔順！其實隻腳冇乜嘢，係坐得耐，平衡得唔好。」又透露因拿拐杖姿勢不正確而跌低。他指5月檢查後發現「坐骨神經被肥膏遮住」，故決心減肥，現已減去7吋腰圍，再減多3吋便達標。