朱晨麗香閨練舞跳到凌晨2點
藝人朱晨麗昨日偕應屆港姐郭柏妍及上屆港姐陳熙蕊等，為台慶表演進行排練，她透露將跳街舞：「對我嚟講係好大挑戰，因為我跳開芭蕾舞同中國舞，所以要苦練。我睇咗好多關於街舞嘅綜藝節目，覺得好有型，所以同公司商量，想畀大家睇到唔同嘅朱晨麗。」她自爆在家練到凌晨2點，認為要下苦功才有好成績，又笑言要「揚長避短」：「短處淨係自己知，長處就揚出嚟，我會Solo跳分幾鐘，要同其他男舞蹈藝員舞步一致，唔可以掉以輕心。」
至於郭柏妍與陳熙蕊負責跳中國舞，陳熙蕊坦言從未學過，練習時偶爾甩轆；郭柏妍則有中國舞底子，她特地拍片回家溫習，望演出順利。