林欣彤考慮同Tyrese拍拖
歌手林欣彤（Mag）、泳兒及洪嘉豪昨日以嘉賓身份出席網紅活動，Mag自爆愛邊上網邊做運動或睇快速煮食的短片，曾成功炮製雞煲。問可會煮給緋聞男友天堂鳥成員Tyrese食？她抗拒說：「冇！點解要煮畀佢食？（好朋友嘛？）個個朋友都要煮我會好忙，自己屋企好細。」有傳她與Tyrese同居，她一概否認：「冇拍拖、冇同居，只係好朋友。（好堅持？）依家一定唔係，未至於唔考慮佢，依家唔係就唔係。」
而泳兒透露有意發展成旅遊達人，已發布第一集新加坡美食團：「自己拍自己剪，不過搞咗好耐，好多年冇返新加坡食同玩，今次好快走一轉，拍咗6集，下次我想去越南。」發覺做旅遊達人殊不簡單，一個人拍攝較悶，如男友同行或請他幫忙會較好，只是上次在澳洲拍片時，男友嫌辛苦變得好躁而拒絕再拍。