何雁詩姜麗文有偈傾唔提鄭俊弘

更多新聞短片

何雁詩與姜麗文首度同場，大家笑一笑冇尷尬。

何雁詩、姜麗文與黃祥興等前晚錄影無綫節目《娛樂大家》，鄭俊弘的「新歡舊愛」何雁詩與姜麗文首次同場，二人表現大方，坦言事前已知有記者在場，被要求影合照時，她們都表現得全無芥蒂！何雁詩被問到與姜麗文同場可感尷尬？她表示：「冇尷尬，大家同一間公司，始終都會見到。」她還指跟對方於化妝間有傾偈，記者遂問有冇傾到鄭俊弘的話題？她謂：「唔會特別傾，如果唔係就真係尷尬啦！（有冇同男友講會同場？）有，不過佢冇乜反應。」

姜麗文以一身「魔女Look」現身，以配合該集於萬聖節播放。談到與何雁詩同場，她笑說：「之前都知道會同場，冇所謂啦，最緊要大家開開心心、世界和平。我依家同柏豪（現任男友）好開心，我同佢（鄭俊弘）已經係舊聞。」又直言與鄭俊弘有聯絡：「都係傾吓我隻狗，同埋如果有時有新聞出會通知聲佢，大家冇Negative feelings，算係hi bye friend。」

鄭俊弘	黃祥興三度做老竇，趙希洛當然有恭喜佢啦！	眾人以萬聖節造型錄影，爭奇鬥艷。

黃祥興考慮絕育

黃祥興日前宣布太太懷上第三胎，他透露：「預產期係明年一月尾，我哋想趕生豬B。（開刀？）係，因為上兩胎都係。」談到BB性別，他說：「我哋冇乜所謂，呢次係最後一個嘞，本來冇諗住，但佢嚟到我哋梗係歡迎。（為免再有，你絕育？）可以考慮，如果唔麻煩同痛嘅話，而且聽講男性絕育，有需要嘅話可以解番開。」