- on.cc 東網主頁
- 3月24日 (一)
藝人黎諾懿、張名雅、何依婷等昨日出席《Little Miss Hong Kong 2019》選舉記者會，現場有八位女童角逐Little Miss Hong Kong，身為大會評判的諾懿被問是否當揀新抱，他笑言小佳麗年紀都比兒子大：「我會當係我個女，評選準則最重要係可愛，我好怕小朋友好似大人咁。」之前揚言要追女的他表示已積極造人，但就怪責自己：「係我唔生性，我搞緊，會盡全力，12月前會完成壯舉，因為出年多工作，趁呢段時間唔使飛，又調理好身體，係最佳狀態。太太都有催，佢話自己都老，唔好搞咁耐。」
至於張名雅透露大仔剛入讀學前班，之前送兒子返學，見到他哭，自己也忍不住哭起來，嚇倒老師，問到已有兩子的她會否想追女？她坦言短期內不會：「啱啱同無綫續咗約，集中工作先，十月會開拍《BB來了》續集。（女主角仲係李佳芯？）應該係，講明原班人。」而何依婷自言小時候非常怕醜，大讚參加的小朋友表現淡定。提到今屆候選港姐，她看好黃嘉雯、蔡嘉欣及王菲。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
