歌手譚嘉荃與夏韶聲等前晚到九龍灣出席慈善音樂會，下周將舉行首次個唱的譚嘉荃直言壓力相當大：「依家記舞步好難，之前直播唱自己嘅歌，腦內突然一片空白。（咁大壓力，完成後去旅行休息？）公司會開電影，我做幕前仲要顧埋幕後，今年內應該都冇得休息！」
而夏韶聲透露三個孫遺傳其藝術細胞，表示學藝術甚有意義：「一個學琴、一個學結他同一個學跳舞，我覺得可以陶冶性情，總好過成日打機。（遺傳你音樂天分？）點都有啲嘅，不過我兩個女唱歌先至好聽。」多年前曾推出漫畫集的他近日再蠢蠢欲動，計劃再推出作品。