Judas反擊 姚懿芠：佢有乜資格咁講？
歌手羅凱鈴（Judas）與應屆候選港姐姚懿芠被傳曾有感情轇轕，Judas昨日出席活動強調與對方失聯已久，一直不算太熟，不過主動提到姚懿芠指自己性取向正常時，即不禁寸爆回道：「佢有乜資格咁講？」
Judas昨午與余香凝到尖沙咀出席公開活動，受訪時Judas再被問起與姚懿芠的「轇轕」，她主動與對方劃清界線：「幾日前有記者問過我，我哋真係好多年冇聯絡，亦冇拍過拖，有啲朋友疏遠係冇原因嘅，好自然。」其後她主動表示「有嘢想講」：「我覺得有啲奇怪，佢話自己性取向正常，咁即係話我唔正常？佢有咩資格咁講？佢自己突然變咗或變咗正常，咁我唔知。（知佢鍾意女生？）咁要問番佢清楚啲。我鍾意女仔，亦表明咗有女朋友，呢個世代冇乜所謂，我改變唔到我自己。」
Judas坦言雖然雙方是中學同學，但不同級且一向不算熟，問到日後可能在工作上碰面，會否感到尷尬？她坦言：「唔會，以前係朋友嘛！」
余香凝跳舞似猩猩
余香凝即席獻唱，歌喉不錯，她表示自今年金像獎頒獎禮後，花了不少錢跟老師學唱歌，不過至今面對群眾唱歌仍感緊張，笑言有興趣日後參加Busking練膽量。她又透露最近跟經理人公司同事學功夫，以應付拍攝電影時需要的動作場面：「學咗一個月，不過本身手腳唔協調，我跳舞就試過畀媽咪話似猩猩。（做唔到跳唱歌手？）咁我做唱跳棟篤笑囉！我講嘢幾好笑。」
