歌手譚嘉儀（Kayee）日前和閨蜜到主題樂園的酒店暢泳，擁有32C豐滿上圍加上可愛童顏，真係甜到漏。近日忙於趕拍新劇《殺手》的她，問到其泳裝可有引來艷遇？她冇癮說：「梗係冇啦，不過同班女朋友去酒店游水，喺房間傾偈傾一晚都好開心。」
身為教徒的她，在新劇飾演廟祝，問在宗教上可有牴觸？她說：「我都問過教會，佢哋話我係演員係為工作，所以冇問題。夏天喺冇冷氣嘅廟宇拍攝都好焗，好在我唔怕熱，我瞓覺只會開風扇，唔會開冷氣。」她又說和同劇的高海寧因合作而成好友，望將來有機會相約游水，齊齊放鬆一下。