少女標本袁紫僑 驚男人發酒癲
組合少女標本成員袁紫僑（CoCo）昨日以隱約露出小蠻腰的連身裙出席萬聖節活動，並即場表演調雞尾酒。她受訪時表示五年前成功考酒牌：「當初學係因為覺得有型，好少女仔識調酒。（男仔識調酒會唔會加分？）唔會，因為我都識啦，冇乜特別。」
CoCo亦透露自己愛飲酒，但酒量只屬正常，很少飲醉，但飲醉時會睡覺。
問到如果男仔飲醉酒可會扣分？她說：「我試過見到男仔飲醉酒好大聲、發酒癲、扔嘢，我好驚，會考慮吓仲同唔同佢做朋友。」而昨晚萬聖節，她透露請大班朋友包括隊友許雅婷到她家開party，問到可會叫男仔作客？她笑言：「多數女仔，費事男仔見到我哋飲多咗失態。」