樂基兒送祝福：Happy For Them！

身為黎明老友的孫敬安正身在內地，他接受長途電話訪問時說：「我喺東莞幫黎明傾緊演唱會，所以仲未收到喜訊，我返香港一定會打畀佢問吓，仲要買份大禮賀吓佢做爸爸。（會唔會上契？）咁又唔會，唔使上契，兄弟嘅仔女咪即係我嘅仔女！（咁係咪積極幫佢傾演唱會，搵奶粉錢？）哈……佢大把錢，唔使特別搵。」

胡楓封大利是畀契孫

至於黎明契爺胡楓從記者口中得知喜訊，他笑說：「做爸爸喇？太好喇！好開心呀！（封大利是畀契孫？）梗係會！希望BB快高長大。（傳授教子心得畀黎明？）He is a good boy！佢做人處事樣樣都做得咁好，已經係好好嘅身教，佢嘅小朋友只要以佢做榜樣，一定會係好乖嘅小朋友。」好友雷頌德則搞笑說：「若果老友真係早產，都唔得閒覆我啦！所以我真係唔知！」