歌手陳柏宇（Jason）日前與太太符曉薇開車外出慶祝拍拖6周年及結婚1周年，但Jason被踢爆開車過隧道時竟兩度衝過自動繳費系統沒付款，符曉薇留言：「我哋會唔會結婚周年畀人通緝，佢記性仲衰過大肚婆。」
Jason昨日到電台受訪，問到與太太慶祝紀念日，可有送禮物？他笑說：「佢成日都話買安胎嘢，但明明係手袋，唯一就係個奶粉袋同BB有關！」提到之前去瑞典及倫敦工作，他笑稱幫太太準備了送給自己的生日禮物：「我仲特登唔拆住，等佢送番畀我先拆。」
此外，他透露有朋友送贈嬰兒用品，亦獲得贊助，所以只會買BB車及BB床：「要將啲BB床擺喺我會去嘅地方，因為我會抱住BB周圍走，所以要買3張，擺喺屋企、健身房同阿媽屋企！」