Cheronna「BB」出世諗計收身
女子組合Super Girls成員Cheronna前晚舉行迷你音樂會，獻唱新歌《無利可圖》，獲父親及男友黃奕晨（Dixon）到場打氣，她說：「可惜媽咪要做嘢嚟唔到，本來Dixon都有工作，最後都趕嚟支持我，成件事好有愛！表演嘅時候知道佢哋喺度，我個心好定，冇咁緊張。」
她坦言視新歌如自己的BB，更是首次參與作曲，難掩興奮：「聽到自己嘅創作，見到作曲一欄有自己個名，真係好感動！」換了新髮型的她又透露最近積極收身：「之前太鍾意食嘢，所以肥咗好多。今次係好堅決減肥，我會用好健康嘅方法去減，Keep住做運動同練舞，加上有媽咪煮健康餐，應該唔會減得辛苦。」
