學廚告別「自閉」 霆鋒平反：Chok唔代表扮嘢
「鋒味廚神」謝霆鋒現時身在成都工作，昨日他受訪時被問到外界質疑他「Chok住煮飯」是做戲？霆鋒覺得「Chok唔代表扮嘢」，自言愛入廚是出自真心，更指炮製美食改變了人生：「以前我好自閉，唔想同人溝通，但學廚後，我有自學亦有請教媽咪，煮飯成為同人溝通嘅橋樑。」
回憶兒時美味
霆鋒過去4年炮製過不少珍饈百味，令他念念不忘的是回憶中的味道，他說小時候愛伸手入阿華田的鐵罐內，拈阿華田粉放入口；還有生病時食藥後，媽媽會送上一杯麥香奶，霆鋒形容：「滿口苦藥水嘅世界裏，嗰杯奶嘅甜，簡直係人生極品『鋒味』！」現時他則鍾情香港茶餐廳的地道咖啡、奶茶。
今個聖誕節，霆鋒要為Fox國家地理頻道拍英文版《鋒味》，但不忘和Fans共慶佳節，特別推出鑽石聖誕曲奇，送上Bling Bling貼紙做禮物。問到應節曲奇會送給女友王菲、媽咪狄波拉還是妹妹謝婷婷？霆鋒卻說：「Derek（楊鼎立），佢係我Partner，亦係我鄰居，我一敲門就可以送畀佢。」
文：音樂組